Waxaan ka fekeray khudbadaha isku jaadka ah ee siyaasiyiinta heerka qaran ah ee soomaaliyed!
Fagaare ka hadalka rasmiga ah ama aahan ahayn, markasta, wuxuu mas'uulka qaran u yahay fursad uu dadka uga waramo waxa u qabsoomay ama ay qaban doonto hay'adiisu. waa inuu dadka baraa, kana gadaa mabaadii'da iyo qorshayaasha hay'adiisa.
Hadalkiisu haddii uusan wada noqon sidaas waa inuu u bataa.
Waqtiga noocan ah waa u muhiim, haddii uu yahay qof meesha wax ku haya; macnaha wax qabtay, wax qaban doona ama u baahan cududa bulshada uu hoggaaminayo si wax ugu qabsoomaan.
Ila ma aha inuu u sheekeeyo sidii qof aan waxba laga rajayneyn. Tan ka daran taas, waa inuu u hadlaa sidii macalin. Oo ah inuu waqtigaba ku qaato inuu dadka u sharaxo mawduuc markaas ku soo dhaca ama munaasabadda xiriir la leh. Sida inuu sharaxo cadaaladda, nabadda ama xuquuqda aadanaha. wuxuu u ekaanayaa "bare" halkii uu ka ahaa "adeege".
Dhaliishan marna kuma arag madaxwaynaha Somaliland ee Axmed Siilaanyo. Waxaa jiri kara qaar kale oo aysan qabanayn.
Waxaan u baahanay inaan wax ka barano siyaasiyiinta caalamka sida hadalkoodu u qaabaysan yahay.
